شعر ليبي عن الحب من طرف واحد , حب من طرف واحد يا حسره مكتوبة , اشعار ليبيه كتابية , الحب, اشعار ليبية, رومنسي, شعار حب, شعر لبيبا, شعر ليبي عن الحب, شعر حب, شعر رومانسي شتاوي ع الحب من طرف واحد
غــايتي مـانريد.. نبقــى السبب فـي دمعـك..
حال غايتي لو انصيد.. نبقـى الونـس فـى شمعك..
حال غايتي نبقــالك
نجـمة دليـل أرحــالك
وكـلمة غــلا تحــلالك
تـروي جنـاين سـمعك
حال غـايتـي نبقـالك.. فـرحه ابطول ايـامك
حال غـايتي فى بـالك.. نبقــى رفيـق احــلامك
ودى انكــون ودودك
وأقناع الحياة في أخدودك
ونبقــى ربيـع اورودك
وســر الصفـا فـي نبعك
حال غـايتي اللي إضمنا.. يبقــى رفــق مقــيوم
مشوار صـوب ايلمنـا.. لمــة شــذا ونســوم
وتبقـى الخطـا و الرجل
وأتزيدي غـلا عالعقـل
وانغـاليك ديمـة لاجـل
لاقـي الوفـاء فى طبعك
شوق مسايل ……………… حواجب ومضحك والعيون دبايل عاجباتنى فى بنت
فيها اميام …………………………………….. سمحة كبيرة سود كى الضلام
تخلى اللى عاقل يهيم هيام …………………… على الطار تبقى دمعته تسايل
على بنت كاسيها الغتيت عرام ………………. جدايل جدايل مايحات جدايل
والرمش مساطر تقول اسهام ……………….. نشلها امحارب فى نهار بلايل
وحاجب كما تسطير خط اقلام ……………….. فوق مالورق اللى سماه وسايل
ودرعان يضاون تقول ارخام ……………….. عراصى قديمة فى قصور جهايل
اسمك على رسمك مع الهندام ……………… يلجن عليك اخدود شمس قوايل
فزتى على جيلك بالاحترام ………………….. ودوده على درب الصلاح ولايل
عشنا وشفنا من الناس اقوام ………………. وناظرين ياما من انواع فسايل
ماريت كيفك فى بانت اسلام ………………… ولا فى بنات الغرب ليك متايل
مالك شبيهه فى العباد تمام ………………… ريتك حقيقة موش قولت قايل
يخايل عليها من بعيد احزام ………………… مالقيتله توصيف غير الضايل
وهلها عصاره من بيوت اكرام …………….مشاهر من منسل اجواد اصايل
بناية البيت اللى رفيع مقام ……………….. قدا وين ما ريم الجليب همايل
اجاويد معرفين صيت ونام ……………….. طعامة الظايف كان جاهم جايل
لا يخالطو قرقاض لا نمام ………………… ولا يعرفو مسلك سفيه وذايل
حداهم يبات الجار ماينضام ………………. مطمان مايشغل البال شغايل
انكانه عطا قامة يقل اجمام ………………. هيله بلا كليلة عليه ايعايل
حلال يدفعو مهرك غير اغنام ……………. 200 من خيرة كسوب حلايل
و200 خف تقيل لم سنام ………………… نياق بيض غر امجبرات حجايل
انتى بدع مولاى فيك الهام ……………….. خلانى بلا راده عليك انهايل
تواصيف خلنى انقول كلام ……………….. نقضرعلى ودك بكل وسايل
ومهما عليك انقول مانلتام ……………….. انريد ومانملك بليد وسايل
كلام خطره شاعر قوى كلام …………….. رفيع نسل ما يقبل عليك جمايل
جاب شعرنوض فى الكنين الام ………….. فتح فاهقى عقب معاى علايل
بجاه من بعت مبعوت للاسلام ……………ابعت بالهدايه فى اختام رسايل
وابجاه من عمد للبيت حج وصام ………. انا طالبك يا رب ليا عايل
تفرج على عبدك اتصير اقسام …………. ويقسم غلا غالى عليه انحايل
صلاتى على المختار فى الختام ………… شفيع البشر يوم الحساب الهايل
…شوق مسايل … ………حواجب ومضحك والعيون دبايل………. قاتلاتنى فى بنت
جت ع البير وارمت لي سلام .. عفيف شريف ما يهواه عيب
قلت امنين يا بنت الاكرام .. دمك موش عن دمي غريب
بشبح عيون وبصقله ابسام .. قبل معاي ما تبدا سريب
قالت حق صادق في الكلام .. احني في الجد منسبنا قريب
احنا الامان لو قاصر انضام .. انظاف السر من لون الحليب
اجواد قروم من منسل اكرام .. نباهم مسك بين الناس طيب
كسابين من ميل السنام .. ركابين الازرق بو سبيب
عدادين لاصار الملام .. نزالين م العافي شطيب
بطول الدهر للغازي خزام .. معانا عمر ما ينجى طليب
قلت اهلين يا بنت العمام .. كلامك صدق والمولى حسيب
نباكم عطر يا طيبك انسام .. يوم الكرب ما والي يغيب
رضي والدين وحظوظه تمام .. اللي يا بنت كان لكم نسيب
هويتك لين حاســـــدني الليل
انا واللـــــيل ساحــــرنا هواك
ومهـــــــما قلت نشعربا قليل
ومهــــما كــان ما نوفي غلاك
يا الدلـــيل في درب السبيل
ايريح الدرب لو نمشي بلاك
يابواسلوب في طبعك جميل
اسلوبك طيب والفرحة دناك
مساك هواي والعشق الاصيل
وطيبت قلب محــــتاجة ارضاك
مســــــاك اورود حائطها اكليل
وكيف العطـــــر يوصل مستواك
ايغار الـــــورد بانســـام العليل
أنكان انسوم جنهن من احذاك
يا الجمــــــــيل ما عندك مثيل
حتى الارض تطرب في اخطاك
وانا واللــــيل واجـذوع النخيل
ومامن حــــــــرف يطربنا نباك
وحتى الشعر لخطورك ايهيل
انكان انقــال ما انقال ال سواك
يابــو زول مــردوع ورقيــق..
ليك اندز في انســوم الہــواء..
ارياف وشوق دايـرلي عليــق..
وحب كبير ما اتشيله وطــآء
راني دوم في حبك غريـــق..
وحبي ليك كي كبر السمــاء..
بلاك القلب روحه ما ايطيــق..
وقلبي ليك مايبخل عطـــاء..
وراني دوم في عشقك شريــق..
وما نجفآآك لو مہما جـــرآآء..
وحبك دار في قلبي حريـــق..
ونآآر الحب ماتطفى بمــآآء..
وصرت عليك نا داير طريـــق..
ونآآ نہواك هكي الله شـــاء..
كيف الروح انت لي شقيـــق..
وحبي ليك مايمشي هبـــآآء..
يابو خد يطلق في بريــــق..
كبر الكون شايلك غــــلآء..
ولون ايديك كي لون الدقيـــق..
نبي انعيش قربك في دفـــآآء..
انبآآآت احداك مانبي انفيــــق..
وبعد دفآآك مانبي اغطـــآآء..
من مدعآآك نا نومي سريـــق..
ومنك صرت عايش في زهـــآآء..
العقل ورآآاك مابطل لقيـــق..
راح معآآك من أول لقـــآآء..
وزايـــد ليـــن دايــرلي شہيــق..
غــلآك وصرت لجـــروحي دوآآء.
ناقصك ابنادم فاهم
قلبه عليك وفي ابناك ايســــــاهم
وايرشد اللى رايح وديمه واهـــــم
ويبقالك سند وقتاً اتسير أخطــــار
ما ايحط في عقله احساب دراهم
كيف من ملا جيبه زمان وطــــــار
ناقصك ابنادم واعي
ابنادم لفعل الخــــير ديمه ساعي
يسمر على شانك اسمور الراعي
وموش كل مره واخـــــــــــذه تيار
وكل يوم في جــرت عرب متداعي
ابنادم ايخـــــــاف عليك يكون من الحرار
أيراعي المولي والظــروق ايراعي
وايقول حس يكفي سدنا ما صـار
يا من تنادي باسمك جميع حواسي … وصوتك يدقدق
في صدى اجراسي
مهما علي تقسي … و الحلو في كلامي تحاولي تتنسي
انا حفضك كيف ما حفضنه درتسي … قاصدة بهجرك
تجرحي احساسي
مهما القسوة اطول … نبقى نحبك مهما الزمان يطول
خديته قرار وانا الي مسؤول … حتى لو انكسر في
غلاه مجلاسي
مهما القسوة تزيد … ما يجي يوم عن دربك انا نحيد
كل يوم نارك زايدة توقيد … كامي السر وفي قليبي نواسي
مازلت…
مازلت نا القديم صاحب جفا نقدر عليها انصيم
لاعيب لاسيات لاتحريم لامعاتبة لاحس لاضوضاء
لاليش لاكنك ولاتكليم كثر الحديث ايصير فيه اخطاء
لاانريد نفتح امعاك سين وجيم ولاخيرفي صاحب ان كان شكا
ومازلت نا القديم
ما كل من يعشق يطول وده
ما كل من يعشق ايطول وده ………….. ولا كل من يأخد قليب ايرده
غلاك فى القلب فايت حده ………………… غلاى كابر له زمان ومده
غلاىكامل محال تلقى نده ……………….. غلاى صادق يصعب عليك تصده
غلاى دايم للعزيز فى بعده ………………………. غلاى وافى مازلت صاين عهده
صوب الصدق
عالصدق عشنا والوفا شيمتنا
ومهما ابتعدنا غالية عشرتنا
اللي ايعزنا انعزوه
اللي ايودنا بكل الوفا انودوه
مايوم عمرك تندم علي رفقتنا
ليش ياطـبـيـب الـجـرح مـابـا يـبـرا عـيـني شـكـت والقلب فـاقـد صـبـرا
رد الـطـبـيــب
عـنـدي حـيـره مـا ريـت كـيـفــه جــرح في تاثـيـره
لا دم يـنـزف نـعـــرفـــوا تــدبــيــره
ولاهـو مـثـيـل الـكـسـر يلـزم جـبـرا
اتريد الصـراحه اوحلت في تفسيره
حـتـى اونــا فالـطــب عـنـدي خـبـرا
جرحـك امصنف من اجروح خطيره
نــادر مـثـيـلـه فـالـحـيـــا نـعـتـبـــرا
نا نـنـصحـك ما اتـفـيـد فيه بصـيـره
لـلـيــوم مــا لـقـيــوا دوا بـه تـبـــرا
يـشـفـيـك رب الـكــون كــلا غـيــره
مـا يـنـفـعـك لو طـول عـمـره يـقـرا
وين مـــا نقـول نهونك يلي مذيبلني سواد عيونك
لا حذاك في الدنيا علم لا دونك ولكن خسارة فيك عاكس عوني
ما زال ما عندي نقص قانونك كيف ماأنت عندك نقص قانوني
ونجن قيس من ليلي ونا مجنونك حتي ونا سليم الناس يحسابوني
وين ما ثمر غيري قطف عرجونك ونا الهم لو يقتل كبار غبوني
وين ما نقول كفايا وما عاد نجر معاك في سهرايا
من يوماً رضيتي بالخراب معايا واخترتي اللي ماكان غالي دوني
عليك غير ماي ساعة عدد يا منايا ما هن سويا واجدات ديوني
وظلمك وجفاك مخلَفات سوايا ساكنات جوا ضربهن دكنوني
وزولك هداك السمح كان تهايا وانتي ترتشاقي مشيتك فصعوني
تقول تشغلي في بهيب عنايا وانكان غمضت عيني حذاي تكوني
وين ما نقول نسيبك حتي مسخرا ما عاد نجيب سريبك
يجي اليل ويجيني منام يجيبك ونبقي عليك انق هذا لوني
ونذكر أيام زهاك وتشرهيبك وقول يا شقاهم من عليك نهوني
واليوم يا مرادي ما تقول طليبك ولا تقول عاهدتي غلاي تصوني
ولا تقول شاكيتي بما زاريبك كيف ما نجض بنار في مكنوني
طوعك الهم شوه صفاك وطيبك وما كنت نحسابك معاي تخوني
وين ما نقول تهوني تجي صورتك هذيك بين عيوني تزيدي غلا
ابكي ياقلبي ع لي صار ادموع انهار الغالي انسي صوبي والموال
انساني ونسي صوبي جمليه بعد الغيه غلانا يصبح محال
بعد مرواحه من الكليه بعد تلاث اشهور غيبه ليا قلتلها مشتاق بي حنيه اسقيني من حبك مازال
اسقيني خلي الحب ايزيد بلا تعديب القيتها سرحانه لي بعيد مهمومه ومشغوله البال
قلتلها مشغوله عليا قاتلي يعني هكي شوي وانت تؤا ها الجيه ميصيرش نفتح موال
قلتلها عينك في عيني نحي ها الخوف وقوليلي متماسك اني في احسن حال
قالتلي انت زين وربي عاطيك العيبه والله مانلقاها فيك شهاده من الموله تنقال
لكن قلبي ماهو ليك لا بيديا لا بيديك من الموله مكتوب عليك غلانا يصبح من المحال
نحسبها اتبصر ياجدي قاتلي نتكلم من جدي انساني وانسي ودي وانسي حبي والاحلام
رديت وغصبا عني رديت علي اسهوم قتلني الي خلني مجروح وفي اسو حال
قلتلها راك اسبقتيني وفرتي عليا المشوار انا من قبل ماتحكيلي جاي نبي نقطع الاحبال
جوني لاموني الاصحاب وعلي القصه فتحولي الباب واول مابدولي بي عتاب حرام حبك من القلب ينشال
قلتلهم مانبيش املام حرمت علي قلبي الغرام بنات العالم مالهن شان لا نهي ولا ابتسام ولا سميه ولا حتي وصال
متقدر وحده اتحركلي شعره من عيني لو جتني بنضره وكلمه وضحكتلي وحتي لو كانت ايه في الجمال
ابكي ياقلبي ع لي صار ادموع انهار الغالي انسي صوبي والموال
شعر ليبي عن الحب من طرف واحد
رانى انحــــــــبك روف بحالى ..... عَدَّل وارحـــــــــــمنى يا زين .
انحبك حب اليـــــــــوم خيالى ..... ما صـــــــــارش مُدَّه واسنين .
حُبِّى كيف المـــــــــوج العالى ..... يُجْرف فى الرمـــــله والطين .
نِبِيك تعــــــــرف هلِّى فى بالى ..... حب وشــــــــــوق معاه حنين .
نِبِيك تفهم واتقــــــــول تعالى ..... نِبِى انْكَفف دمعــــــــات العين .
حرام هكِّى منـــــــــك يا غالى ..... حبك خـــــلاَّ القـــــــلب حزين .
بندويلك . نبعت مــــــــرسالى ..... رافـــــــــض تستــــقبل لِتْنِين .
متغطرس مـــــــــــا تبى والى ..... جـــــــايب هالتكــــشيخ منين .
من حبك مـــــــا اغفيت ليالى ..... عقلى حـــــــاير . نمشى وين .
عَلَىْ خطَّر حـــــــــــبك موالى ..... من غيرك نــــــــا حالى شين .
قلبى فـــــاضى .تـــــوا خالى ..... من هجـــــــرك مجروح اينين .
قلبى منـــــك ويـــــــن شكالى ..... مقســــــوم امــــــولِّى نصين .
عَلَىْ صـــــكَّر بــــابه وحكالى ..... القيــــــــته متـــــكدر مسكين .
مع الجـــــاره تضحك وتلالى ..... ذابحــــــنى ذبــــــــحة سكين .
زعم نصــــبر واتكون حلالى ..... والفـــــرح ايــــــولى فرحين .
والله اتريح إيــــــــــام دلالى ..... ودمعى يبـــــــــــقى عالخدين .
إضافة رد
شعر ليبي عن الحب من طرف واحد 
إقتباس
