قصيدة الصديق للشاعر فهد الجبر

يا صعب والله ما تحصل لك بها الدنيا صديـق
تزرع كثيره للأسف يا قـل مـا تحصـد ثمـر
بعض العرب صداقته من وين ما جيته يطيـق
اليا نصيته فـز فيـك وقـال تآمرنـي أمـر
لا قال كلمه تمهـا والا اعتـذر عـذرٍ يليـق
اليا وقف وقفة بطـل وان هـدّ هـدّات النمـر
وبعض العرب صداقته ماهي على طول الطريق
يقطع صداقة واحدٍ تقـول شايـل لـك جمـر
أما الرفيق اللي يلـوذ اليـا تنصّـاه الرفيـق
اضرب على علاقتـه إكسيـن بالخـط الحمـر
وش لك بلحية خوةٍ تمشي على خيـط رقيـق
مادام ماهي خـوةٍ تبقـى علـى مـر العمـر
يا هيه ياللي مستوي عندي زفيره والشهيـق
ان جيت ارد اخشى الندم واليا سكت ادهى وامر
ماني مفرّح شرذمـه ولا مزعّـل لـي فريـق
الصبر مفتاح الفرج والسوس ما ضـرّ التمـر
ما دام يمكن طمرها هو ليـه اولعهـا حريـق
بعض السوالف ما لها عند الرجال الاالطمـر

مقالات ممكن أن تعجبك :

• شعر عن الصديق الصادق , بوستات عن الصديق الحقيقي الوفي
• صور عن خذلان الصداقة , صور عن خيانة الصديق
• خواطر عن خيانه الاصدقاء , اشعار عن خيانه الصديق
• شعر عن المواقف والافعال , شعر عن الصديق الكفو
• شعر عن الصديق الوفي , كلام جميل عن الصديق الكفو , عبارات عن الصديق الكفو