أشعار عراقية حزينة اشعار تصف أحزان وطنهم مؤثرة جدا

شعر عراقي حزين أشعار عراقية حزينة اشعار تصف أحزان وطنهم مؤثرة جدا
القصائد والأبيات الشعرية العراقية الحزينة الأتية شعر أسير الحب شعر عذاب الشوق للوطن شعر ألم الفراق شعر دموع القلب شعر عذاب الحب


شعر أسير الحب

تسأل بعد لهنانه حدك
يگلبي إترك الناس الما تودك
ما توگف عليهم خل يروحون
كل الصار بيك تعيشه وحدك
أحذرك تعبتني وتنشد شبيك ؟
متشوف الحزن ممدود سِدك
متشوف العيون الغورگت شوگ
دكافي من الدمع متروس خدك
ناسك دنيتك حتى اليحبوك
منو يشيل الوجع شو كلها ضدك ؟
إضحك للهوه وطلگها دنياك
يذاك إنتَ النضيف الخير عندك
يراية سِلم بيضه بحرب الگلوب
منو من إلحزن متروس گدك ؟
كل الصار بيه وعشته مجبور
خاطر ما أكسرك وأتنه ردك
تضل إليمته هيچ تعيش مجروح
عايش بالحزن چا وينه چدك ؟





قصيدة حداد حزينة

أريد أعلن حداد وللعشك ماعود وأريد أنساك ونسى البينك وبيني
وشك دفتر غرامك خاطر إنه أنساك ودير الوجه عنك من تلاكيني ما ريدك بعد لو أنت روحي اتصير وما ريدك لون من موت تحييني ملح بعيوني أحطن وانسى حتى النوم أخافن بالمنام طيوفك تجييني
إذا شافتك عيني وفرحت بملكاك والله أتبرّى منه وهاي مو عيني
وإذا صافحك جفي بحجة الخملان أكص اثنين أديه يساري ويميني
وإذا كالولي حبك يسري بالشريان ثق بالله أكطع كل شراييني

وإذا صاير شمس إنه أبقى دوم بليل وما ريد الضوة وبالظلمه خليني
تذكرمن لكيتك والعطش وإليك وكلتلي أمعود أترجاك روييني عصرت جفون عيني وشليت دموع وشربتك بديه وإنت تدريني
ومن مرني العطش صرت إنت جربة ماي كصدتك معتني ومديت جفيني

وإنت بكل وكاحة وكل صلافة عين درت بجفوفي سم وردت تنهيني

تذب نفطك عليه وإنه بيه النار وتتحمه أعلى ناري وما تطفيني
وصرت محبس بديك وكمت بيه تسوم ساعة تبيع بيه وساعة تشريني
أظل خصمك وفضحك حتى من تموت على كبرك أخطن بإديك سنيني


شعر عذاب الشوق للوطن


صورة شاب حزين

نوط جروحك على الروح شكله
يا گلبي و ذل الطير شكله
منو يعرف النوم شلون شكله
لأن لا شايفه ولا مار بيه
شعد منهن صارن هواي الجروح
ضمه خيطك ما اريد تروفها
وروحي حنت لوذتها بسد گفاي
حته لا عينك تصد وتشوفها
وعيني مو للشوف صارت للدموع
الما تشوفك بعد شلي بشوفها
چنت كاتبلك احبك بالعيون
عله رموشي مصفطات حروفها
غيروك وگمت ما تقراها زين
الچنت تقراها گبل متشوفها


صورة بها شعر عراقي حزين


شعر ألم الفراق

أنه بدونك..
أظل مثل الحمامة الما لگت عشها..
يبّست روحي يمتة بشفتك ترشها..
جمعت سنيني صوغة عيد وانت براحتك طشها..
وهي الروح متغشها الليالي السود
بس زلوفك تغشها..
ولا الومك
حقك ما تشيلك گاع
اذا هو الكمر يطلع من هدومك..
اذا هو الندى يختل بزردومك..
اذا هية الشمس لو غابت تلومك..
على چفوفك السنبل ضاع..
وگذّلتك سودة مثل الليل
بس صارت لدمعي شراع..
و نهر من غيم يمتد
على زنودك گاع..
آني أول بشر متعوب
وأنت أول بشر نعناع..
شعر دموع القلب


صورة تعبر عن الحزن

ابدي اشتاگلك كل ما يمرني الليل
يا كحلت عيوني ويا ضواهة انته
فراگك مو سهل حته اقتنع ونساك
اسكت والعيون تعاند السكته
بهت لون الخدود بكثر دمع العين
ريل الغربة گلي شلون طاوعته
لاني الميت لاني البقيت وياك
عشت بين نار ونار وين انته
فهمني ترد لو كافي اسد الباب
غير الحزن بعدك كلشي ما شفته
ها يربات حضني بحضن غيري تروح
ليش التعب بيك بكلشي شو عفته
بيدك رخصت روحك شسولف بيك
جسمك مو علك چا ليش وزعته







شعر عذاب الحب
رسمك غاب
چيمت الهوة وحطيت بي عطاب
جنت شايل گلب
بي يحلم
المسجون
بس هسة أنتهت حطيت رزة وباب
جنت صيار أمس
بس هسه عابر جيل
زحمة أشتل نوارس والحصاد غراب
كلي شحصلت ياگلبي
من چافوك
حطولك سهم
ياذيك طالع طاب
ماريد العشك
خرزة عل چف تنشاف
كون عل الزند ملفوفة ميت نگاب
أفل بيرغ
صفنتي شما يچودر ليل
وهوس حيل
ينجم الله أستچن أدريك ماتلاح
أنه أول طيحتي ومرغوب توة الطاح
يفگة ريچ كل سچة
قطار الشوك غَرب مابقت حجة
يخلگي شبعد تترچه
الطاريهم محطه وتدري مايبقون
خل يمشون
أرش مگفاهم بكافور
وشيعهم چنازة ماي من يصفه بحلگ ناعور
وبلايه چروف
أسيح بكل گتر بالكاع
ولاخلي هواهم بالدليل أيطوف
العشك مثل العثك
لو ماتلوحه چفوف
مثل ميت ينازع والعديله دفوف
بگت خلگي
ونسيت برسي رس معدان
مو زلمة يتسمه المايغط ويحوف



أصبّر الرّوح

أصبّر الرّوح بيش وإنت بيه الرّوح

وإذا تطلع أظلّن بس جسد خالي

لكيتك من جنت ما لاكي كل النّاس

أنت أول محبّ وأنت صرت تالي

يلكلّك محبّة وأنت أحنّ مخلوق

معقولة الحمامة تصير كتالي

صح ماكو بجمالك أني أدري بهاي

وروجه رقّتك ما كظها أي جالي

حرام عليك تزعل وأنت الصّوج

أجيك أنا أعتذر وبلا ذنب خالي

تزعل ليش

غالي وكلشي عندي وما أهدك دوم غالي

وهسّه حبّك جيف صرت غالي

أحسّك تختلف عن كلّ النّاس
بعيوني أشوفك عالنّجم عالي
وأشوفن دمعتك ما جنها تنزل ماي

ذهب تنزل دمعتك تجدح أتلالي

إلك بستان عمري بكل ثمن مزروع

راضي بكلشي منك كلشي يحلالي

أجيك ومن أرد فارغ أردّ للغير

وعنب بس على مودك تارس أسلالي

يمّك أنسى روحي ومن أكون ويّاك

وعلى فنجان شفتك تركع إدلالي

الواشي بلا بخت مرني وزعلك

أموت أنا ولا يوم أجرحنّك وزعلك

حلو كلك على بعضك وزعلك

بحلاتك فدوة بس ارضى عليّا

شعر عراقي حزين

اشعار موجعه جدا

اشعار عراقية حزينة








اشعار حزينة
شعر عراقی




شعر عراقي حزين
شعر حزین عراقی



شعر عراقي حزين
شعر حزین عراقی



شعر حب حزين يبكي عراقي
اشعتر حب موحعة

اشعار
شكرا للذين جرحوني


شعر عراقي حزين
شعر حزین عراقی



شعر حزين

المصدر: الإبداع الفضائي - من قسم: شعر - خواطر - قصائد - حكم - اقوال - بوستات