أشعار عن الاشتياق للحبيب , شعر شوق وغزل للحبيب

*HOB* · #1

الاشتياق هو إحساس يصيبنا عند رغبتنا في لقاء وحديث من نحب شعر شوق وغزل روعة , أجمل القصائد التي تتحدث عن الاشتياق وأثره على المحبين , أحلى الأبيات والقصائد الرائعة عن الاشتياق والحب والغزل
أشعار عن الاشتياق للحبيب قصائد رومانسية من روائع الشعر العربي التي تتحدث عن الاشتياق

أشعار عن الاشتياق للحبيب

قصيدة جاني من الماضي

جاني من الماضي وفايت لياليه
ينشد عن جروحٍ دفنها زماني
وقفت محتارٍ عيوني تراعيه
أبكي فرح وأبكي ندم من حناني
مديت كفي وارتعش بين أياديه
رديت لسنينٍ مضت في ثواني
بالله وش جابك لقلبي وطاريه
وش لك بتجديد العنا اللي طواني
لاتجرح اللي طاب ما فات كافيه
عطني جديد الحب وأغلى الأماني
عطني حنانٍ ضاع عمري وانا أرجيه
اللي مضى من هم حبك كفاني

قصيدة تونا وين ناوي

تونا وين ناوي تروح
خلنا نفرح بشوفك تونا
شوفتك لي هي دواء كل الجروح
لاتسافر فيك قلبي ما اهتنا
من يلوم اللي على خله ينوح
توي أدري ويش حبك ويش انا
دمعتي ماهيب من قلبٍ مزوح
دمعتي فيها المعاني والعنا
لاذكرت أنك عن الديره نزوح
ضاقت الدنيا الوسيعه بالهنا
أنت لي كل المحبه والطموح
وانت لي كل السعاده والمنا

قصيدة ظروف الزمن

تلاقيت انا واللي ترك صورته ذكرى
بقلبي وعيني وافترقنا بلا ميعاد
رجيته وعد قال الوعد صعب وانت أدرى
ظروف الزمن ماهي على كيفنا تنقاد
انا لو أبي ودي يصير الوعد بكرى
ولا ودي انه يوم يمضي وحنا ابعاد
رحل ببتسامه والتفت قال مايدرى
يجوز اللقا اللي صار صدفه لنا ينعاد
ترك للرجا قلبي جريحٍ ولا تبرى
جروحه ولو حاولت نسيانها مافاد
عسى الله يعيد بشوف من شوفته تشرى
وينهي فراقٍ منه انا والزمن بجهاد

قصيدة سحر النواظر

اشتقت لمن هو بعيد

حبي اللي في خيالي له وصوف
مالقيته غير بعيونك أبد
دايمٍ بالناس بالغالي أشوف
من كمل زينه ولا شدٍ أحد
لين جابتك الليالي والظروف
كنها توعدك في قلبي وعد
بالغلا كنه على القلب محلوف
مايحب الا انت وأعطيك العهد
صابني رمشك وسلمت الكفوف
خابرٍ مابي على اللوعه جهد
صابني سحر النواظر ياهنوف
والحنان اللي بنظراتك بعد

قصيدة أيست من رجواك

أيست من رجواك ياناسي الحب
لو بك رجا ماضاع عمري وأنا أرجيك
أربع سنين أرجيك وأشكي لك القلب
أشكي جروحه منك ربي يجازيك
تشوفني يا زين في عابر الدرب
وتصد عني كن غيري يناديك
أعطيك قلبي وانت تعلن لي الحرب
نفسك كبيرة ماتبي من يداريك
تجرحني بصدك وهجرك بلا ذنب
إلا أن قلبي ياهوى النفس يغليك

قصيدة يتعبني التفكير

لاقلت أبي شوفك تعذرت باعذار
وإن قلت كيفك قلت يافاهمٍ غير
يتعبني التفكير يازين واحتار
ولكثرة الأعذار ما شوف تبرير
مدري بحبك وش تبي مني اختار
البعد ولا القرب أبي منك تبصير
تزاحمت بي من تصرفك الافكار
في نظرتك هجر وموده وتقدير
يازين ريحني بجيه ومسيار
ولا قل ابعد ونتفارق على خير

قصيدة يضيق الكون في عيوني

يضيق الكون في عيوني واشوفك في خيالي كون
يضيق الكون في عيني واشوفك في خيالي كون
أشوفك كلما أغفى لأنك حلمي الساهر
أحبك في تفاصيلك أحب أسلوبك المجنون
أحبك في طلوع الشمس أحبك يا أمل باكر
أشوفك داخلي أطفال مع ريح الفرح يمشون
أحبك في أبتسامه طفل أذا ناديت يا شاطر
أحبك ياصدى صوتن بحاسيس الهوى مشحون
أحبك ياربيع أخضر أحبك ياشتا ماطر
أحبك لذة السكر أحبك ريحة الليمون
أحبك في قصيدة شوق كتبها في الهوى شاعر
أنا صادق بحبي لك وقلبي أول العربون
أنا لا جيتك الاول بلا ثاني بلا عاشر
حقيقه أسمك الفاتن حقيقه قلبي المفتون
أنا من كثر ما أحبك أردد دوم ياساتر

قصائد رومانسية عن الحب
شعر شوق وغزل للحبيب مجموعة من الأبيات الرائعة والمميزة

ولي فؤاد إذا طال العذاب به

شعر شوق وغزل روعة

إشتقت لك بالإمس واليوم مشتاق
وباكر إن شفتك يزيد إشتياقي
لجلك زاد الحب وزادت الإشواق
وزاد من بين الضلوع إحتراقي
الله جمع فيك الحلاوه والأخلاق
مثلك لو دورت ماني بلاقي
**
يالبيه ياللي هزك الشوق يالبيه
حر الشوق يجمعنا ونرجع كما كنا
كلام الحقيقه فاقد الشي مايعطيه
وحنا فقدنا اشياء تبيها العرب منا
*
كل شي يهون إلا غيبتك عني
كيف أعتذر لقلبي وكيف أداري غلاك
في غيابك وش اللي تاخذه الناس مني
مادام قلبي والمشاعر معاك
مستحيل أتخيل الدنيا بلاك
*أنت لي* مادام لي قلب خفوق
جاك قلبي يالهوى مليان جاك
وأجتمع حبك ودمي في العروق
أشتقت لك والغلا قرب يضيعني..
والخاطر اللي صبر مل وقضا صبره..
بأعلمك شي وأفهم دام تسمعني…
من واقع التجربه والوقت والخبره,,
لو الخلايق على حبك تنازعني…
يبطون ماحركوا فيني مغز أبره..
ماغيرك أحدن قوى قلبي وولعني..
وغلاك عندي وسط القلب ياكبره…
لو بأتكلم غزير الشوق قاطعني..
مكسور خاطر والمكسور وش جبره..
يخونني الوقت والغيبه تصارعني..
أكتب وحتى القلم خان ونشف حبره…
رجعتلك والغلاوالحب رجعني..
ياحي.. هالشوف والضحكه..وهالنبره…
غيرك من الناس لو حاول يطالعني…
أصد عنه ولا أشوفه ولاأعتبره…
*الاأنت*يالشاري اللي منت بايعني…
نظرة عيونك صفا لو ليلتي غبره…
وأن كان ودك لدرب الحب تدفعني..
قلبي يحبك ولا يحتاج تختبرررره

من أجمل ما قرأت

تجيني طيف يا عمري.. على جنحان شوقـي لـك
اخاف ارمش من عيوني..! وابعثر جيت وصالـك*
…*
حبيبي لا تجيني قول.. وين انت؟ وانا اجـي لـك
ابيك تقول وين انت.. وعلى عيوني انا اسعى لـك*
…*
وربي فوق روس الشوك.. لا اخلي القلب يمشي لك
واخلي ظلالي يسبقنـي.. قبـل يحضنـي منزالـك
…*
ثواني بس.. ابتهندم.. من عيونـك وابهـدي لـك
في عينـك ضحكـةٍ حتـى تكحـل عيـن عذالـك*
…
يقولوا الناس: بغيابي تشب القلـب ويضـوي لـك
حنيني ومن وهج شوقه.. يميـل القلـب لا مالـك*
…
قضى دمعي من عيوني.. ابي من عينك ابكي لـك
ابنثر من ورا عيوني.. دمـوع عيـون ترحالـك*
…
تعبت اهرب من الاشيا البسيطـه مـن تفاصيلـك
تعبت اسأل زوايا البيت.. عن اول واخر احوالـك*
…
وحتى الشوق من صبح الدرايش قام يهـدي لـك
عصافير الرضى ترفـرف علـى بيبـان مدخالـك*
…
هنا ترمي صباح الخير.. قبل لا تروح وادعي لـك
وهنا تضوي مساء الخير.. في عيني مـن هلالـك*
…*
انا من الليل يقطفني.. شعوري لـك واغنـي لـك
انا من الصبح يليّلني الحزن.. مـن لـون موالـك*
…
حرام الليل ماهو ليل..! اذا مـا كنـت فـي ليلـك
وحرام الصبح ماهو صبح..! اذا ما كنـت فظلالـك
…
تروح وقلت: احط روحي.. علـى كفـي واناديلـك
نزعت العمر مـن شفـت الغـلا بالـروح نادالـك
…
بربك قول: وش سوى الفـراق بوجـه منديلـك؟؟
تسيل الوان طيفي فيـه الـى مـن البكـا سالـك
…
حبيبـي لا يبكيـك الفـراق ولا يـهـد حيـلـك
اخاف الدمع من عينك يجفف صورتـي ببالـك..!*
…
تعال احتاج اسولف لك عـن الايـام واشكـي لـك
وافض غيم الحزن وانثر حنيـن الشـوق بقبالـك*
…
تعال وحـط فـي قلبـي همـوم الفرقـا واشيلـك
لان القلب ماهو قلب اذا فـي نبضـه مـا شالـك*
…
وقف دمعي من عيوني.. ابي من عينك ابكي لـك
اخاف ابكي من عيوني..! وابعثر جيت وصالـك..!

مقتطفات مختارة

ماكنت في قلبي ولا كنت فـ البال
توّي عرفت انك فـ عمري حقيقه
شفت البحر وشلون يشتاق للجال
هذاك شوقي لا فقدت دقيقه !
فاض من قلبي شعور الشوق لك
وأنت حاضر كيف لاغبت ورحلت
والله إني كـل ما جيت أسألك ؟؟
عن قدر نفسي رحلت ولاسألت !
*في طلتك تزهر مداين حنيني
وتنبت على جال التعب زهرة الشوق
حلفت لك وحدك براحة يميني
والناس باليسرى على ذمة الذوق
*اشتاق في غيبتگ وافرح اذا جيت*
يعني على ما ظن شكلي احبــــگ
عاتبوني و المعاتب بـ سلم العاشقين
ما يجي الا من محبه ومن قدر و غلا
ادري ان الشوق فضاح و الخافي يبين
و من تعود قول لبيه ما يضبط هلا♡
من زمن ماقلت لي عطني يدينك
لا خذاك الشوق لـ عيوني و شفته
رغم كل اللي حصل بيني و بينك

ما أنكر إنك أجمل إنسان عرفته

مقالات ممكن أن تعجبك :

المصدر: الإبداع الفضائي - من قسم: شعر - خواطر - قصائد - حكم - اقوال - بوستات