ياما من الناس ياما ياما ... كله بينفسن
والنداله دي حاله عامه ... إمتى نتحسن
ده اللي في الوش يبان حبيبك ... يلف ويأسفن
أخ واطي أوي .. مع أخوه واخته
ابن قسي على أبوه .. ميل بخته
إنتوا كده مش بظتوا .. إنتوا شرختوا
ده القيامه ح تقوم
واللي شرد في .. عياله ومراته
واللي مدمن .. والشرب حياته
واللي كان يوم هنا .. على نياته
واتمرع تاني يوم ..
و تبص تلاقي أم عصام ماسكه في خناق أم إيهاب
اتخانقوا عشان القمصان بتنقط على لبس رحاب
وشويه لابسين ماسكات وفضايح سيديهات ديسكات
أبو الليف .. أبو الليف
ياما من الناس ياما ياما ... كله بينفسن
والنداله دي حاله عامه ... إمتى نتحسن
ده اللي في الوش يبان حبيبك ... يلف ويأسفن
اللي نزل الشارع .. متشنج
واللي على خلق الله .. بيتنك
واللي بينصحه ضايع .. متنبنج
من ده شفت كتير ..
إمتى كنا في يوم .. كده بالذمه
ده احنا كنا نضاف .. عندنا ذمه
آدينا بنلبس .. بعض العمه
تصبحوا على خير ..
مقالات ممكن أن تعجبك :
إضافة رد
كلمات اغنية كله بينفسن ابو الليف كاملة مكتوبة , ياما من الناس ياما ياما كله بينفسن 
إقتباس
