2ونص كوب دقيق - 3/4 كوب سميد -
1كوب سمنة مقدوحة -2 معلقة كبيرة سكر
2 معلقة كبيرة قشطة- روح زهر او فانيلا
1ونص معلقة صغيرة خميرة بيرة او خميرة عادية
الطريقة بأه بالصور على بركة الله 
سميت الله وذوبت الخميرة في معلقة مية ونص معلقة صغيرة سكر بسس
وسبتها تتفاعل في الفرن خمس دقايق بأت فيها فقاقيع حلوة كده
وفي حلة حطيت الدقيق والسميد وفي الوسط شوية سمسم كبشة كده
وحطيت السمنة في حلة تانية تقدح عالناااااار
والسمنة تتقدح كويس لما تحطي فيها شوية سمسم لو احمر في ساعتها وطلع لفوووق
وغلي يبقى السمنة اتقدحت لو فضل ابيض زي الصورة يبقى لسة عليها نستنى شوية
وكده اتقدحت السمنة لان السمسم احمّر فورا نطفي الناااااار
وونطش السمنة عالدقيق وقعدت تغلي وسوت السمسم اللي في الوسط
وانا بحب جدااا اشوف الدقيق وهو بيستوي كده بالسمنة السخنة
وجبت معلقة وفضلت اقلب عشان الدقيق يختفي ويشرب السمنة كووووويس اووووووي
دلوقتي بأه نبسه ونكحت في الدقيق بالمعلقة كده عشان زيادة تأكيد
زي مابنعمل الكحك كده
ونروح نسيب الحلة تبرد تحت مروحة تحت مكيف عشان نقدر ننزل عليها بالخميرة
بعد ماتهدى ان شاء الله
ولما بردت نزلت عليها بالخميرة اللي ذوبتها اول حاااااااجة
ونعجن كووووويس
ونزود معلقتين دقيق لو لقينا العجينة لييينة اوووي لان الحكاية دي سمعتها من شيف محمد فوزي
ماشاء الله عليه كان قال عشان نضبط اي عجينة نزود معلقتين دقيق عليها بس ونعجن هنلاقيها
بقت مضبوطة بالمللي ان شاء الله
إضافة رد
معمول التمر والملبن , بالصور تحضير معمول التمر والملبن , طريقة عمل معمول بالتمر والملبن 
إقتباس
