فضائيات| مكتبة الدريم بوكس | مركز رفع الصور | فضائيات نيوز
تعليم الفوتوشوب


العودة   الإبداع الفضائي > >

أخبار التقنية متابعة كل جديد فى مجالات التقنية بالاضافة الى تقديم مجموعة من الدروس والشروحات لشبكات التواصل الاجتماعي

ماهو الربح من الانترنت وكيف يتم

بسم الله الرحمن الرحيم " قبل ما ابتدى اشرح " انا عايزك تفكر شويه فـ الكلام اللى جاى . وتعتبر نفسك بتاخد

 
LinkBack أدوات الموضوع
  #1  
عضو جديد

 


افتراضي ماهو الربح من الانترنت وكيف يتم

ماهو الربح من الانترنت وكيف يتم

بسم الله الرحمن الرحيم




ماهو الربح من الانترنت وكيف يتم


" قبل ما ابتدى اشرح "

انا عايزك تفكر شويه فـ الكلام اللى جاى . وتعتبر نفسك بتاخد فكرة عن حاجة انت فاكرها مش موجودة . والحاجة دى هى الربح من الانترنت من غير ما تدفع أى مبلغ وووووولو لقيت فـ الشرح انى بقولك ادفع فلوس متترددش ثانية واقفل الموقع ..


نوعين من الناس.. اعتقد انهم بيقروا الموضوع دلوقتى ..

النوع الاول
" هيشوف الموضوع ويطنش ويقول النت كله نصب ويضيع ع نفسه فرصة الربح " ..



النوع الثانى
" هيكمل قراءة مش هتاخد منه 10 دقائق لان الشرح معظمه صور وهيعرف ازاى يكسب من النت " ..





{ 1 }
ليه متحاولش تربح او تكسب من الانترنت ؟

كل لما اسأل نفسي ليه الشباب المصريين لا تربح من الانترنت زى الشباب الغربى او الاجنبى ..

الاقى نقسى قدام جوابين !!
الاول ’ هو ان الشباب المصريين مبيستعملش الانترنت
الثانى ’ انه بيستعمله بس مبيعرفش فيه كويس !

لو قولنا انه مبيستعملش الانترنت فـ انا بقول كلام غلط لان كل العالم العربي بيستعمل الانترنت ..
يبقى قدمنا انه بيستعمله بس مبيعرفش فيه كويس ..
هتقولى ازاى يعنى مبعرفش فيه كويس ؟

هقولك !!
صحيح انت بتستعمل الانترنت اه بس فـ الدردشه والغرف الصوتيه والفيس بوك والمشاركة فـ المنتديات وتعمل مواقع وبتقضي وقتك ده كله فـ كده ..
انا مش ضد المنتديات و الشات لاكن وقتك كله يبقى كده . دى حاجه مش مقبوله !
{ معلومة }
" الانترنت خد وهات زى مابيستفيد غيرك منك استفيد من غيرك انت كمان "



طرق الربح من الانترنت كتيرة اوى !

و كل اللى بيهمنى هنا هى الطريقة الحلال للربح وهيا اللى بتكسب فيها مقابل عمل عمل بتعمله ..

واشهرها
جوجل ادسنس { Google Adsense }
شركات المشاركة
{ Affiliate Programe }
رفع الملفات { Upload Files }

الضغط ع الإعلانات { Paid To Click }

وتعتبر شركات الضغط ع الاعلانات { الشركات الربحية } دى اكتر طرق الربح المنتشرة ع الإنترنت و اسهلهم وبتقوم الشركة بعرض مجموعة من الإعلانات
للمشترك وهو بيقوم بالضغط عليهم مقابل الحصول على مبلغ معين ع كل اعلان
ودى الطريقة الى هركز عليها ..
الاستفادة معروفه الفلوس من غير جهد كبير وفـ نفس الوقت هتستفاد من الوقت اللى بيضيع قدام شاشات الكمبيوتر من غير لازمه ..
هيوصل مكسبك لـ الاف الدولارات ولكن طبعا بعد فترة ..
فـ اول شهرين هتكسب حوالى
من 40 : 50 دولار
ومع الوقت مكسبك هيزيد ..


انا عارف ان دلوقتى بيدور فـ دماغك ان الموضوع ده خدعه او نصبلان ده اللى انا قولته لما بدات اقراء زيك بالظبط فى الموضوع ده زمان ..
لما لفيت ع النت لقيت ناس كتير اوى بتقول ده نصب وبدات اشك فـ الموضوع
بس ايه دى التجربه ام الاختراع ولما جربت عرفت ان النصب ده لان في بعض الشركات نصابة ومنتشره جدا وده اللى دفع الناس انها تقول كده ولكن كلامى ده مبيقولش ان مفيش شركات صادقة دى موجوده من سنين وبتدفع لاعضائها من غير اى مشاكل وعشان كده عملت موضوع فى الدوره وهيتثبت عن الشركات النصابة اللى جارى تجميعها وهى هتبقى قائمة متجددة بالاضافه للموضوع الاهم وهو افضل الشركات الصادقة بعد البحث عنها شهور وبعد التجربه الشخصية والسحب منها اكتير من مره وهتبقى قائمه متجدده !!

" وعد انك لو مشيت فى الطريق ده كل حياتك هتتغير
فى شهور بسيطهولو لسه مش مصدقنى اسمع كلامى وسبنى اشرحلك اكتر واقنعك بالمنطق "


{ 2 }
ما هي الشركات الربحية ؟
وكيف تربح منها ؟


الشركات الربحية هي مواقع هتسجيل فيها وكل لما تدخل حسابك هتتصفح الاعلانات والشركة هتدفعلك مقابل تصفحك للاعلانات ومقابل كل ضغطة ع اعلان هتكسب مبلغ معين هيختلف من شركة ربحيه للتانيه
ولما تضغط ع الاعلان هتظهر صفحة فيها موقع معين وهو ده الاعلان وهيظهر مده الاعلان حوالى 30 ثانية فـ اغلب المواقع بعدها هيتم احتساب المبلغ المخصص للاعلان ده وهيتضاف لرصيدك فى حسابك


{ 3 }
الشركة بتجيب الفلوس منين عشان تدفعلى ؟

من اصحاب الإعلانات اكيد !
الموضوع بالظبط يا جماعه بيكون كـ مثال الوظائف الخالية المكتوبه ع الجرايد والمجلات هتقولى هيحطه اعلانتهم جدعنه لا طبعا بيدفعه فلوس عشان يعلنه عن الوظيفه المطلوبه .. مثـلا .. انا عنـدى عربيه عاوز ابيعها ومش عارف اجيبلها ناس تشوفها . هروح لمواقع الاعلانات دى . وهقولهم عاوز اعلن عن العربيه . هيقولى مثلا هناخد منك 1000 جنيه وهنخلى 1000 واحد يشوف العربيه . هيقولى ماشى .
هتسألنى طيب انا كسبت ايه ؟
هقولك موقع الاعلانات دى بتقسم الفلوس بينك وبينها . يعنى لما تدخل ع الاعلان بتاع العربيه هتاخد نسبه وهاكذها لغايه لما الموقع يدخله 1000 واحد ويبقى الموقع كسب وانت كسبت وصاحب العربيه كسب


{ 4 }
ازاى هاخد فلوسى منهم ؟

كل شركة بتعمل حد ادنى وهو بيتغير من شركة للتانيه ومعظمهم بيبقى 1$ او 2$ وهتاخدهم عن طريق تحويلهم لـ اى بنك الكترونى


{ 5 }
ازاى اسحب الفلوس من البنك الالكترونى ؟

فـ 3 طرق لسحب الفلوس من البنك الالكتروني
{1}
تحويل الفلوس ع فيزا او ماستر كارد وخدمه جديده موجوده فى بنك الاهلى سوسيتيه جنرال وفروعه منتشرة في مصر { تم تخصيص موضوع خاص للشرح بالتفصيل } لانها احسنهم وانا بتعامل بيها
{2}
عن طريق وسيط ودى بتبقى سريعه هتقولى مين الوسيط ده ؟ هقولك بكل بساطه الوسيط ده عباره عن شخص موثوق فيه صاحب سمعه طيبه وبيتعامل معه أشخاص عديدون يملك حساب بنكى فـ نفس البنك الإلكترونى اللى بتتعامل معاه انت بتحوله الفلوس ع حسابه فـ البنك وهو بياخد عموله بسيطه ومسؤول يوصلك فلوسك لحد عندك .. الوسطاء كثيرون وكمثال على وسيط محترم هو صاحب موقع عرب مول
. كل العالم بيشكر فـيه بس مش هينفع طبعا اجيب روابط خـارجيه .. انا شخصيه بتعامل معاه ومواقع كبيره وعامل اعلاناته ف كذا موقع اللى عاوز يكلمه يقولى ف رساله ع الخاص ..

{3}
سحب رصيدك عن طريق شيك يرسله لك البنك عن طريق البريد



{ 6 }
ابدا ازاى ؟

فـ البداية تشترك فـ بنك الكتروني هتقولى ايه البنك الالكترونى ده هقولك ده بنك مربوط بكل البنوك العالميه والمحلية يعنى عالمى زى ده { Bank AlertPay } وهشرحه فى الدورة دى طبعا وبعدين تشترك فى الشركات الربحية وانا بنصحك انك تشترك فى كل الشركات اللى هقولك عليها لزياده دخلك ودخلى ولانها اضمن شركات ..
وتأكد انها افضل الشركات الموثوق فيها
{ على الاقل اشترك فى 30 شركة }







{ 7 }
{ تعالى بقى معايا وركز فى كلامى هتلاقى فى شركات الربح حاجه اسمها الريفرال }

" ايه هو الريفرال ؟ "

الريفرال باختصار الناس اللى هتدعيهم عشان يسجله فى الشركة عن طريقك من الرابط الخاص بيك ومقابل
ده الشركة هتدفعلك نسبة من اربحهم { حوالى 50% او اكثر } من غير ماينقص من ربحهم حاجه عمولة يعنى وده نوع من انواع الدعايا للشركة لان كده الشركة هتشجعك عشان تعرف ناس كتيره بيها وبالتالى هيزيد عدد المشتركين بها و هيزيد دخلها


" 20 شخص × 4 سنت ودول تمن الاعلانات × 3 شركات ربحية = 240 سنت يعني 2.4 دولار فـ اليوم يعني 72 دولار فـ الشهر يعنى 72 دولار × 5.5 جنيه مصرى = 396 جنيه مصرى فى الشهر " .. " وده لـ 20 شخص و 3 شركات فقط فما بالك بقى ..

" 50 شخص × 4 سنت تمن الاعلانات × 20 شركة ربحية = هسيبك انت تحسب "




" ازاى اجيب الريفرال ؟ "

الطريقة الاولى : المنتديات
لو دخلت موقع البحث جوجل وكتبت " منتدى شركات الربح " هتلاقى منتديات كتير اوى وهتشوف بنفسك كل اللى عليك هو انك تسجل فى المنتديات .. وتشرح المشروع بشكل مميز عشان يفهمه كل جوانب المشروع وحط الروابط الخاصه بيك لدعوة الناس .. فـ لو اشتركت فى المنتديات اللى ليها صله بـ الموضوع ده فـ اعرف ان موضوعك هيشوفه الالاف من انحاء العالم من اللى بيفهم اللغه العربيه ودلوقتى اسأل نفسك كام واحد من الالاف
هيشترك من خلالك !!
اعرف ان لما تتعب هتلاقى كل لما تعبت ونشرت وفهمت الناس زاد ربحك ولا تمل ولا تيأس
الموضوع مهم جدا وكل دقيقه بتتعبها دلوقتى هتلاقيها بعدين
واعرف ان الخطوات دى من اهم حاجة فى الربح


الطريقة الثانية : برامج الشــــات والفيس بوك
كل اللى عليك عليك هو انك تبعت الموضوع لصحابك وتفهم الموضوع .. ابعت الموضوع لكل اللى موجودين عندك فى الياهو والهوتميل والفيس بوك والاسكاى بى وبالتوك .. دى طريقة نجحت جدا معايا



الطريقة التالته : تأجير الريفرال
ودول الناس الللى سجلوا فـ الشركه لوحدهم يعنى محدش بعتلهم دعوة ولا حاجه زى مابتشترك فـ اى منتدى وانت ع النت بتلف كده ..
بتقوم الشركه عاملة ايه بقى بتطرح الناس دى للتاجير ..
ووالاعضاء طبعا بتآجرهم لمده شهر او اتنين او تلاته ..
ويمكن التجديد تانى لمده شهر او شهرين او ثلاثه ..
ولما تجدد لفتره اكتر من شهر هتاخد خصم ..
وفـ خاصيه اسمها ريسكيل {
Recycle } ودى فايدتها استبدال الاعضاء الغير نشيطين باخرين نشيطين وده مقابل مبلغ صغير ..
وفـ خاصيه اسمها اوتوباى { AutoPay } الخاصيه دى تستطيع ان تمدد للريفال الذى ضغط اليوم يوم اخر وباستخدام الخاصيه تحافظ على الريفال النشيط
كما تحصل على خصم 10% ..


هو انت مش قولت مش هندفع شلن ؟ اسمعنى الطريقة دى اخنياريه وانت مش مجبور انك تعملها بس دى بتضمنلك دخل ثابت شهريا ..
ملحوظه مهمه : الطريقة دى { تأجير الريفرال } ناجحه جدا مع الناس اللى عندهم خبره فى مجال الربح ومبنصحش باستخدام الطريقه دى فى المرحله الاولى ولكن بعد فتره معينه لا تتعدى الخمس شهوور

هتبقى الطريقه دى من اهم الطرق لضمان ربح عالى وشبه ثابت شهري عن طريق انك تأجر عدد كبير من الريفرال



" حكم الشرع والدين فى شركات الربح "

بـ النسبة لحكم الدين { استناداً بالفتوى } الربح من خلال هذه الشركات مش حرام ..
انما المحرم هو الشركات اللي بتدفعلها عشان تسجل فيها وشركات التسويق الشبكي او الماتركس ..
وإذا صادف ووضعت شركة
{ اعلان اباحي وقليلاً جداً مايحدث } و انت فتحته فـ هذا هو الحرام ..
لا تجعل مصدر رزقك يأتي من وراء تلك المواقع وتدعيمها
هذا الحكم منقول وموثوق فيه ..





" فى حالة وجود اى استفسار اضغط هنا "

" انتهت الخطـوة الاولى الحمدلله "


مقالات ممكن أن تعجبك :

الصور المرفقة
نوع الملف: jpg httpwww.celesteterry.com100-dollar-bill.jpg.jpg‏ (30.8 كيلوبايت, المشاهدات 278)
نوع الملف: gif 01.gif‏ (33.5 كيلوبايت, المشاهدات 228)



من مواضيعى في فضائيات شرح التسجيل فى الشركة الربحية كاشيوم Cashium بالصور
اكبر قائمة بـ الشركات النصابة { Scams } اخر تجديد بتاريخ 29/9/2010
شرح التسجيل فى الشركة الربحية اون بوكس OnBux بالصور
شرح التسجيل فى بنك اليرت باى AlertPay بالصور والتفعيل بالموبايل
المصطلحات الهامة فى مجالات الربح
نصائح للربح من الانترنت

الكلمات الدلالية
, ,

ماهو الربح من الانترنت وكيف يتم


أدوات الموضوع


الساعة معتمدة بتوقيت جرينتش +3 . الساعة الآن » 02:09.
Powered by vBulletin
.Copyright ©2000 - 2024, Jelsoft Enterprises Ltd

تابعنا على الفيس بوك جديد مواضيع المنتدى تابعنا على تويتر
DMCA.com Protection Status