فضائيات| مكتبة الدريم بوكس | مركز رفع الصور | فضائيات نيوز
تعليم الفوتوشوب





العودة   الإبداع الفضائي > > >

شعر - خواطر - قصائد - حكم - اقوال - بوستات اذاعة مدرسية، اليوم الوطني، اشعار، تغريدات، تويتات، كلمات، غناوي، شتاوي، قصة اطفال، حكاية , حكم، بوستات، ابيات شعر، قصص، حكايات

خواطر و قصائد عن امي , قصيدة عن الام , شعر بمناسبة عيد الام

 
LinkBack أدوات الموضوع
  #1  
حبيب أبو زكريا

 

افتراضي خواطر و قصائد عن امي , قصيدة عن الام , شعر بمناسبة عيد الام



شعر بمناسبة عيد الام 2014, قصائد لعيد الام 2014 , اجمل اشعار عيد الام ,خواطر عيد الام 2015

خواطر و قصائد عن امي , قصيدة عن الام , شعر بمناسبة عيد الام


شعر بمناسبة عيد الام 2015
شعر ست الحبايب 2015

اسألي دمي
وسعادتي وهمي
اسألي التوفيق
والقدر والضيق
اسألي الدعاء اللي في صلاتي
والدموع اللي في سجودي
اسألي دمي
عن حبك يا أمي




في الطفولة علمتيني قبل ما أنطق بالكلام
وفي شبابي بترعيني لما بسهر ولا أنام
صدقيني يا ضي عيني حبك أنت مش كلام
يبتدي في لحظة ميلادي شمعة تضوي في الظلام


ست الحبايب والحنان أنتي يا أمي
لو كنت صغير ولا كبير تتبطبي وتضمي
تفرحي لفرحي وفي الشدة بتحملي همي
ساكنة في قلبي وأسمك بيجري في دمي


لما أزعل بترضيني
لما امرض بتدويني
أمي أنت في نن عيني
حبيت الكون علشانك
وفي قلبي وروحي مكانك
تسلملي كلمة يا ضنايا
لما ينطقه لسانك


أمي يا كل الأمان
أمي يا نور في طريقي
أمي يا حضن الحنان
أمي يا حبي الحقيقي


ماما يا لحن في الوجدان
يا همسة حب .. يا موجة حنان
في عيدك
بتخضر الالوان
وبحبك
ينطق قلبي الولهان



ماما حبيبتي
حبك في قلبي طول الليالي
حافظ ودادك .. كاره بعادك
لوغبتي عني
روحي تخدني
لحد عندك
وأنول بقربك وأعيش معاكي
عالم خيالي


اسمك زي شعاع النور
بيدخل قلبي يمد جسور
أنت حبيبتي يا أمي الغالية
ليكي بوسه وعقد زهور
ليكي شوق وحنين ومحبة
بيخليني بيكي مسحور


ماما حبيبتي يا أطيب قلب
اسمك موجة في بحر الحب
كلمة رقيقة بسمة بريئة
تفتح قلبي وتمحي الذنب




جيناكي يا نينة يا زينة
يا حب غالي آوي علينا
جيين نجمع بعضينا
في عيدك بتخضر أمانينا




أنت اللي غاليا علينا
وانت اللي ضي عنينا
تمر الايام وحبك
طول عمرة في القلب
يا نينة


يا طيور الكناري
يا زهور البراري
ميلوا وغنوا شمال ويمين
غنوا معايا لنور العين
ماما يا ماما يا نور العين
غنوا معايا صبح وليل
لأمي حبيبتي كل الخير


ماما يا نبع المحبة والحنان
قلبي بين أديكي عرف معني الأمان
أنتي السما والأرض أنت جنتي
أنتي وطن قلبي علي طول الزمان


لو كان بأيدي لو كان
لعملك الدنيا بستان
ورد و فل وريحان
وأهدية ليكي يا امي

كلمة منك تحميني
بوسة منك تحييني
بيبقي الكون في أديا
لما يا ماما تضميني


الدنيا أم وأمي أوطان
عنيكي ملجئ قلبي الولهان
لمسة أيدك كل الحنان
تحت رجلك جنة رضوان
ربي يخليها طول الزمان



عيدك يا أمي اسعد الأعياد
لولاكي يا أمي مكنش ليا ميلاد
قلبك بيرعاني يا بهجة القلب
مش ممكن ينساني في البعد والقرب



يا ما شلتيني وتعبت إديكي
وربتيني بدموع عنيكي
عمري ما أنسي أبدا دعاكي
قلبي وروحي ديما فداكي


لولاكي يا ملاكي
قلبي بلا دقات
ليلي بلا سهرات
عمري صدي حكايات لولاكي يا أمي
يا كل الأحلام يا صوت المواعيد
نجمة ما بتنام يا كل الأناشيد


غنيتي ليا عشان أنام
ودبحتي ليا جوزين حمام
حضنك أنت الأمان
لمسة كل الحنان
بسمتك تضوي المكان



يا ماما ما في زيك في الدنيا
قلبك حنين عليا
يا أغلي من ضي عينيا
الدنيا في عيدك تغني
وأحبابك جيا تهانيكي
وأنا قلبي بيرقص من الفرحة
يوم عيدك ربي يخليكي


أمي الحبيبة إطمني
يالي حضنك شال همومي وضمني
كل سنة وأنت طيبة يا أمي
يا أجمل ما في الدنيا يا أمي


أنا عمري ما أنسي يا امي حنانك
لما تضميني مابين أحضانك
ليكي بسمة ليكي غنوة
ليكي حبي وروحي عشانك



قلبي دق لما كنت أنا الوليد
أمي أنتي بسمتي وقلبي السعيد
ضمتيني
كنت في الشدة ترعيني
ولما ابكي تمسحي دمعي الشريد




عشق الكون وياكي حكاية
يالي صلحتي الحب معايا
أنتي يا أمي اغلي هدية
ربي وجدها في دنيايا



نينة يا ست الكل
يا نور في طريقي يهل
يا وردة يا عنقود فل
يا قمر ليالينا لما يطل



يا أم الصبر يا أم الحنين
يا منبع الإحساس والقلب الأمين
يا نينة يا نور قلبي الوحيد
في عيدك العالم كله سعيد
ربي يخليكي
ونبارك ليكي
مليون عيد


شط حنانك بحر أمان
قلبك موجة للغرقان
حبك ميه للعطشان
حبك نسمة وبسمة يا نينة
بتخليني أعيش فرحان




جدو يا جدو يا أحسن جد
يالي حنانك فاق الحد
ربي يصونك ويخليك
بصلي وديما بدعي إليك




الحنان والطيبة جدو
والأمان والشوق كمان
هو عنوانك يا جدو
لما احزن بجري عنده
و أترمي في حضنك يا جدو



حضنك ليا
بيخليني أكون في أمان
أنت الملجئ ليا يا جدي
لما يكون بابا زعلان

اجري وأضمك
تبعد بابا
وتضحك ليا بكل حنان


يا لي كلامك غالي عليا
يا ستي يا نور في ضي عنيا
اسمع صوتك في الفجريا
لما تصلي وتدعي ليا
بالقي الكون كله حنيا


لما حنانك بيغطيني
أجري في حضنك وتخبيني
خايف ابعد عنك يا ستي
الأيام تجي تلهيني
اصل بحبك أوى يا غالية
وقرب مني ده بيرضيني





لو عليا أكون معاكي في كل ليلة
تيتة أنت أمي أنت أحلامي الجميلة
مستحيل أنى أكون غير تحت أمرك
أصلك حنان والكون أمان
لما تضمي
أقول كمان
دا أنتي أمي وأم أمي

شعر عن عيد الام 2014







مقالات ممكن أن تعجبك :



من مواضيعى في فضائيات ابيات عن الكذب والخداع لكل كذاب
تفسير رؤيا ظفار الخوص فى المنام , تفسير حلم ظفار الخوص
تفسير رؤي القثاء في المنام
لماذا اختار داعش قتلة فلسطينيين
كلام عن البعد
يوتيوب مهرجان مهرجان في المهنه ، تحميل واستماع مهرجان فيجو مهرجان في المهنه mp3 كامل
ما اللغة الرسمية فى مملكة تايلاند
صور سيدات الجمال الزائد كان عليهن نقمة والسبب

الكلمات الدلالية
,

خواطر و قصائد عن امي , قصيدة عن الام , شعر بمناسبة عيد الام


أدوات الموضوع



الساعة معتمدة بتوقيت جرينتش +3 . الساعة الآن » 09:48.
Powered by vBulletin
.Copyright ©2000 - 2017, Jelsoft Enterprises Ltd

تابعنا على الفيس بوك جديد مواضيع المنتدى تابعنا على تويتر Google+‎
أضغط اعجبنى ليصلك جديدنا على الفيس بوك