معلومات عامة ، حدث في مثل هذا اليوماحداث اليوم , احتفال جوجل , السيرة الذاتية , ويكيبيديا , معلومات عن الطب , الصحة , الطبخ , التداوي بالاعشاب , العناية بالبشرة , ماسك تنيض , شخصيات مهمة
تعتبر هذه الوصفه أحد اهم الوصفات الطبيعيه وفيما يلي نسرد لكِ وصفتة السحرية المفعول مع خطوات العمل
بدون مقدمات ندخل بالموضوع جبتلكم وصفه نقلتها من منتدى وبصراحه شفت البنات كوم عليها وشفت اللي جربوها وقلت انقلها لكم بالتفاصيل وهالوصفه ممدوحه لكن انا ماجربتها ((اللهم اني بلغت اللهم فاشهد )) ان شاء الله بجربها لاني شفت التعاليق واللي مجربينها ويمدحونها بسم الله نبداء واعتبروني انا الكاتبه لكن مو انا يعني ناقلتها
شوفوا بنات انا في خلال 3 شهور اضمن لكم التخلص من كل اللي تتكلمون عنه حبوب واثارها وسواد خشونة تصبغات وبطريقة طبية وصحيحة وكمان مضمونة لاني جربتها على نفسي قبل ماكتبها لكم
حقول لكم قصتي اول
انا بشرتي فيها اثار حبوب ولا يطلع لي حبوب ايام الدورة بعد وكمان عندي اثار بظهري ويديني وكمان المؤخرة مو موحدة مع لون جسمي وفيها شوية اثار ومكان الجلسة برجلي فيه سواد حتى اتفشل اطلعها للناس والله
يعني انا بنت مثلي مثلكم عندي مشاكل وهموم بالبشرة والله جربت كثير طبي وغير طبي وكنت من اروح الدكتورة تعطيني الرتن اي وانا كنت استخدمه اسبوعين واذا طولت شهر واتركه لانه يهيج بشرتي وتحمر فكنت ازهق اكمل وقلت مافي فايدة من هالعلاج حتى يوم من الايام توصلت للطريقة الصحيحة في استخدام هالمرهم العجيب وبطريقة صحية وامنة وبمدة يسمح فيها الطبيب كمان يعني موجايبتها براسي ولاتخافوا ولاتقولو لي كورتيزون ولا غيره لان طريقتي مدروسة ولها مدة مععينة وهذي المدة مسموح فيها طبيها يعني مابي وحدة تنط لي وتقول لي كورتيزون لانكم مايتستخدموا هالطريقة لاكثر من 3 شهور واذا مرة وضعكم صعب وهذا نادر مو اكثر من 6 شهور وهذي هي المدة المصرح فيها طبيا لاستخدام مراهم الريتينول والهيدروكينون وهي مراهم التبييض الطبية
وانا مو جايبة هالكلام من عندي جايبته من استشارية جلد وكمان سالت صيادلة واطباء
طيب الطريقة كثير منكم سمع فيها بس يمكن ماجربها او زهق منها او خاف او او او الخ
بس طريقتي مختلفة شوي لانها تتغير من وقت لوقت ومع ذلك حتعطيكم نتايج روعة
الخلطة هي الرتن اي مع الالدوكين فورت ولكن هالمرة فيه اضافات وفيه طريقة استخدام نجي بسم الله واول نشوف المطللوب
المطلوب
كريم رتن اي وممكن تستبدلوه بالاكرتين وهو ارخص لانه مصنع بالسعودية وهذي صوره للاكرتين وانا استخدمه بدل الرتن
كريم الدوكوين فورت 4%
كريم الحساسية الكوم او ديرموفيت وانا استخدم الديرموفيت لانه ارخص ونفس المفعول وهذي الصور
وتكون الكبسولات اللي داخلها زيت مو الحبوب يعني اللي تقدري تقصي الكبسولة وتطلعي الزيت منها
اللي عندي تشبه هذي
خلصنا من المكونات نجي للطريقة
حنقسم الوقت ل 3 أقسام
أول قسم مدتة أسبوعين
ناخذ كريم الرتن أي مع الالدوكين فورت 4% ونخلطهم مع بعض العصارتين كلها بالليل حطي على الاماكن اللي تبين تعالجيها بعد ماتنظفيها بمنظف كويس انا ستخدم كلين اند كلير لان عندي حبوب بس انتو استخدموا اي شي يناسبكم بس قبل ماتحطون خذو شوي من عصارة الالكوم او الديرموفيت واخلطوها مع الكمية اللي تبون تحطونها على المكان اللي تبون تعالجونه
هذي الطريقة تاخذ اسبوعين حتحسون بحرارة وهيجان لاتوقفوا واستمروا ومابيكون في قشور بكل مكان اوانا ماطلع لي قشور الا بالرقية وبيديني بالزنود تحديدا
يعني لاتقولو مانفع معاي القشور مو معناتها ان المستحضر يعمل عندك واللي ماعندها لا
ملاحظة بالنسبة للركب واماكن الجلسة والاكواع بالنهار حطو مرهم الدبروساليك عليها وبالليل هذي الخلطة والسبب ان الاماكن هذي بها خشونة وتحتاج مضاد للتقرنات وشي ينعمها اضافة للتبييض والتنعيم وهذا شي بتستمروا عليه على طول المدة لاتنسوا مرهم الدبروساليك
القسم الثاني مدته شهر
هنا نستغني عن الديرموفيت والالكوم ونستمر على خلطة الرتن اي والالدوكين فورت وحتى لو خلصت نعمل جديدة ونستمر حتى نخلص الشهر ونص طبعا بنهاية الشهر ونص حتلقوا نتايج مبهرة خاصة بالوجة والظهر والتصبغات بشكل عام خلصتو ثلاثة ارباع مشواركم وبقى ربع بس بالنسبة للركب والاكواع واماكن الجلسة لاتنسوا اللي قلناه عن الدبروساليك بالنهار والخلطة هذي بالليل وانا افضل الرجل تغطى ببلاستيك وشرابات وترطب عشان تحتفظوا بالخلطة اطول مدة ممكنة بدل ماتتبخر من حركة الرجل
خلصنا شهر ونص كذا تمام بقى شهر ونص شو حتعملو
القسم الثالث مدته شهر
هنا حتستخدموا خلطة الرتن اي والالدوكين فورت بس مو كل يوم حيكون يوم ايه ويوم لا
طيب باليوم اللي لا شنو حتعملوا تعالو حقول لكم تاخذون كبسولات فيتامين e وتحطوها على الوجه والرقبة الجسم انا كنت ماحط عليه شي
القسم الرابع والاخير مدته اسبوعين
حتستخدموا الخلطة هذي يوم وتخلوها يومين او يوم نستخدم فيتامين E والثاني ناخذ الاسبرين ناخذ الحبة ونذوبها بشوي ماي ونحطها على الوجه والرقية او اي مكان حابين وتخلوها
كذا نكون خلصنا طيب اكيد تقولو كيف احافظ بعدين على النتايج حقول لكم
انا كنت ادور عن طريقة امنة اكثر لان الطريقة هذي مو مسموح فيها اكثر من 6 شهور ماعدا الاسبرين طبعا والفيتامين E انصحكم ماتخلوهم من وقت لوقت لانهم روعة
الحل هو انكم تستمروا على احماض الفواكة لانها امنة على المدى الطويل ولكن تحتاج وقت اكثر للعمل عشان كذا افضل تعملوا هذا الكورس اول وبعدها تنتقلو لاحماض الوفاكة وفي كريمات وماركات كثيرة منها وانا اخذ من صيدلية النهدي عادة
إضافة رد
طرق التخلص من السواد والخشونة 
إقتباس
