الإبداع الفضائي - رائعه للشاعر فهد بن معتوق بعنوان (نسيت اقول لك)

لا تلاعب عزتي لعبة مذله
و انسحب منها قبل لا تبتديها

نفسي اللي شفت فيها الطيب (كله)
ما ابيك تشوف (بعض) الشر فيها

اعقل و خل الدلع و اللعب خله
لا تضحي بعشرتي دامك تبيها

الدلع لا زاد عن حده .. أمله
و عشرة ٍ فيها ملل ما اشتريها

و انت خابر قلبي يوم يفش غله
به شرور ٍ مالك الا تتقيها

الشياطين الحمر في الراس شله
وامهم قد رضّعتني من ثديها !

خل عفريت الغضب نايم محله
لا تصحيه و دروبه لا تجيها

و خل مسباح الرضا حاسب تفله
و طيبتي حاسب تفقّدها وعيها

لا تطالبني بعذر من دون زله
و تستغل اني عيونك مهتويها

قلبي لو يغضب تراه يعاف ظله
و حتى نبضاته ترى ما يشتهيها !

ان بغيت الحب هاك الحب كله
المشاعر ملكك و تامر عليها

و ان بغيت تذلني .. دربك تدله
ما ابي اقتل عيون ٍ مت فيها !

فهد معتوق - ساقي الشوق