كلمات اغانى البوم دنيا سمير غانم واحده تانيه خالص كاملة 2014 كلمات الوقت بيسرقنا دنيا سمير غانم 2014 بنعيش والوقت بيسرقنا وبنمشى ونسرح فى طريقنا والايام اللى بتجمعنا ممكن فى ثوانى تفرقنا ساعات الدنيا بتلهينا عن اغلى واقرب ناس لينا وفى يوم عمرنا ما بنتمناه نلاقيهم مابقوش حوالينا مبنحسش بقيمه الحاجه الا لما تروح وكان فى صوت بيصرخ فينا واحنا مابنسمعش ونندم على اللى ضاعو وراحو وقلبى ده مجروح ياريت الوقت يرجع بينا بس مبيرجعش زمان كانوا هنا بيننا وحوالينا واللقى مسموح ودلوقتى ومهما بكينا اللقى مينفعش قرب من كل اللى حاببهم شيل عنهم خوفهم وتعبهم يمكن يسيبوك هما الاول او يمكن انت اللى تسيبهم على قد ما تقدر فرحهم بصلهم واحفظ ملامحهم هيجيلك يوم فيه تتمنى لو حتى فى نومك تلمحهم كلمات اغنيه دنيا سمير غانم انا وانت لبعض من البوم واحده تانيه خالص انا وانت فضلنا كده في دوامة حبيبي كام شهر شوفنلنا يومين صعبين وبجد احنا اتبهدلنا نطلع من دبلة نخش في فتحة وشبكة ومهر حوارات تفاصيل تعبتنا حبيبي وهدت حيلنا والليلة اهو أدينا، بقينا انا وانت لبعض هانعيش دنيتنا وليالينا، يا حبيبي في جنة ده وعد تشطيب الشقة والأجهزة وكمان العفش ومكان الـ honeymoon خد مننا يا حبيبي شوية اما الفستان وستايله ده كان موضوع فيه قفش كنت أنا مبسوطة عشان بتغير يا حبيبي عليا والليلة اهو أدينا، بقينا انا وانت لبعض هانعيش دنيتنا وليالينا، يا حبيبي في جنة ده وعد وانا معاه بحب الحياة، وانا معاه مبسوطة كده ملناش غير بعض هو وانا .. وعيشتنا هتبقي حب وهنا كلمات شاغلين بالكو ليه دنيا سمير غانم شاغلين بالكو لية بغرامنا وعايزين منا ايه مش فاهمه لقينا الحب يوم قدامنا وهو الحب كان يوم تهمه يا ناس انا عندي قلب بني ادمه اكيد من حقى احب من امتي ده كان الحب ذنب ونعيش ازاي لو راح انا عدي سنين عليا وبحلم اعيش اللحظه ديا سيبونا في حالنا ليه الاذيه كفايه كلام وجراح هفضل احب فيه ومصره دي فرحه ازاي اعيش من غيرها وعمري بحاله ليه انا حره وهمشي السكه دي لاخرها كلمات قصة شتا دنيا سمير غانم - البوم 2014 نزلت من البيت فى المطر ومهمهاش برد الشتا بقاله كام يوم مختفى مش فاهمة ليه بيعمل كده نزلت وراحت على مكان كانو فيه تملى بيسهروا اول ما شافها فى سلامه بان ان مشاعره اتغيروا وقال كلام مكنتش عارفه تجمعه متفاجئه بيه مذهوله قاعده بتسمعه اصل الكلام ده بيبقى ديما اخره بعد فعلا اوام ظنونها جت فى محلها ورفع عينيه وبقسوه وبرود قالها معلش اسف احنا لازم ننسى بعض سرحت وشافت ذكريات اجمل ليالى عمرها معقول يعنى قلبه مات فى حياتها ناوى يهدها بصيتله تانى باهتمام وقالتله متفقين كده انا جايه اقول نفس الكلام مابقتش عايزه الحب ده هتقوله ايه مهى مستحيل تستعطفه معقوله يعنى هتبكى علشان تكسفه يعنى هيبقى جرح وكمان يبقى ذل مشيت اوام كانت ضعيفه متشتته مشيت اوام سعتها حست بالشتا بس المطر قدام دموعها كان اقل كلمات عليك حبيبي كلام غناء دنيا سمير غانم 2014 عليك حبيبى كلام يا سلام غير فيا بحس وانا وياك بحاجات جديده عليا حياتى من الليلة دى احلامى قدامى خلاص فى عيونى نفسى اخبى يا حبيبى عن كل الناس زيك انا ملقيش ده مفيش كده فى الدنيا كان حلم عنى بعيد وفى يوم بقى فى ايديا حياتى م الليلة دى احلامى قدامى خلاص فى عيونى نفسى اخبى يا حبيبى عن كل الناس اغنية لو كنت مكانك من البوم دنيا سمير غانم الجديد واحده تانيه خالص 2014 ارتاح خلاص خليتني مجروحة ومن احزاني مدبوحة وهزيت ثقتي جوايا ارتاح رسمت الخطة ببراعة لا قلبك حس ولا راعي عذابى وجرحي وبكايا وبعد ده كله بتقول عني كنت يومين وتضحك لو يجيبوا في سيرتى بالساعتين لو كنت مكانك مكنتش هقول ولا نص اللى قلته كفايه اللى انتا عملته وفي ايه تاني وبدل ما تقلل فى قيمتي وتجرح اكتر كرامتي ياريتك متجبشى سيرتى ياريت تنساني اوقات بنندم فيها علي الطيبة وأصل الدتيا دي غريبة تملي ترخص الغالي وخلاص دي غلطه غبية واخيرة منا انا لو كنت شريرة مكنش هيبقي ده حالي بتتكلم عليا ازاي كده ومع مين ده انا اللي عشان رضاها جريت وراها سنين كلمات اغنية مش باقية على حاجة كلمات مش باقيه علي حاجه دنيا سمير غانم البوم واحده تانيه خالص بنتمنى ونحلم لو ياخدنا الحب للجنه ونستني ولما الحب بيجيلنا بنندم انه يوم جالنا يودعنى يروح ويسيبني ما يسيبني وايه يعني مدام باعني مفيش قوة ترجعني كفايه سنين بيخدعني مش باقية علي حاجة ومافيش حاجه عليها اندم انا كنت غلطانه وبامانه كده ارحم كلمات مين عارف للنجمه دنيا سمير غانم من البوم واحده تانية خالص Meen 3aref مين عارف هشوفه انا تاني ولا خلاص ليه سايب حبيبته هنا تصعب كده علي الناس بيفوت قصادي عمري وقلبي مجروح وبقول لنفسي عادي كل حاجه حلوة بتروح علي طول في بالي وفي حضن قلبي شايلاه صعبان عليا حالي مش قادره ثانية انساه مين عارف بيعمل ايه ولا في احضان مين ليه فكراه وهوا خلاص عايش لناس تانيين لو كان نسيني مش عدل ابقي فكراه وخلاص اديني ضيعت نفسي في هواه علي طول في بالي وفي حضن قلبي شايلاه صعبان عليا حالي مش قادره ثانية انساه جرالى ايه من ساعة لما جانى دانا بخاف لو ثانية يروح بعيد دا انا بقيت بالليل بسمع اغانى اللى قديم واللى نازل جديد دانا بقيت بلبس على كيفه مبقولش لا على حاجة بيعوزها وبقيت اشوف كل اللى بيشوفه والتعليمات بالحرف انفذها ماهو خلاص سيطر على حياتى ومفيش ولاد غيره بكلمهم لا وكمان بينقى صاحباتى طب هعمل ايه؟ مش عاجبه معظمهم انا معاه تلميذة فى سنة اولى بس الغريب انا مبسوطة كده وبكون معاه على طول هادية وخجولة مع انى انا في حياتي مش كده انا معاه تلميذة فى سنة اولى بس الغريب انا مبسوطة كده وبكون معاه على طول هادية و خجولة مع انى انا والله مش كده دانا بقيت بلبس على كيفه مبقولش لا على حاجة بيعوزها وبقيت اشوف كل اللى بيشوفه والتعليمات بالحرف انفذها ماهو خلاص سيطر على حياتى ومفيش ولاد غيره بكلمهم لا وكمان بينقى صاحباتى طب هعمل ايه؟ مش عاجبه معظمهم كلمات يومي عادي جدا البوم دنيا سمير غانم كان يومى عادى جدا زى اى يوم صحيت غسلت وشى وحضرت الفطار بعدين دخلت اوضتى وغيرت الهدوم ونزلت روحت شغلي وكان الجو نار في معادها الشمس طلعت وهتمشي في وقتها الزحمه هي هي والناس علي بعضها يعني لا الدنيا وقفت ولا بعدك هدني انا عايشه اهو ماموتش عشان انت سيبتنى خلصت الشغل وركبت عربيتي حطيت نفس الاغاني اللي بحبها بعدين مديت ايديا عادي في شنطتي طلعت نفس الشوكولاته وكلتها روحت الساعه سبعه وكنت مكسره ومانمتش بدري برضو مع اني مقرره يعني لا الدنيا وقفت ولا بعدك هدني انا عايشه اهو ماموتش عشان انت سيبتنى |
رد: كلمات اغانى البوم دنيا سمير غانم واحده تانيه خالص كاملة 2014 مبنحسش بقيمه الحاجه الا لما تروح |
الساعة الآن » 08:12. |
Powered by vBulletin
.Copyright ©2000 - 2024, Jelsoft Enterprises Ltd