الإبداع الفضائي - شعر على ثوار ليبيا

شعر على ثوار ليبيا

وحق من خلق دنيا ودين ** ودار قدرته في عباده

ثــــوار ليـبـيا عـازميــن ** على النصر والشهاده

شايلين عزم واجد متين ** كيف الحديد في عناده

يقضوا على حكم اللعـين ** هللي طغـى في أنكاده

معمر إللى طغــا سنيــن ** في الوطن هو واولاده

حط خشومنا في الطيـن ** وخلا الأنـــذال ســـاده

قـتـًـل ضـنا الليبــيــيـن **ومس الشــرف تمـادى

سفيـه لا عهــد لا ديـــن ** في الشـــر زايد إزيـاده

مكروه صيتـــه يشيـــن **ملعــون عــــادى بــلاده

وشعـبنا في يــده رهين ** غصــب ماهيـــش راده

مقهور عايــــش حزين ** بالضيم والقهـــر قـــاده

مجروح جرحه مكين ** في الناس لابس سواده

والنـــار تحت العويــن ** تكـــبر بوســط أكبـــاده

واليــوم ثايـــر ينيـــن ** بركــــان فجـــر جهاده[
ثـــوار ليبيا حــالفيــن ** بالله حلـفـة شــهــــاده

يردوا الصاع صاعين ** للـي طغى في عـــناده

يحرروا الوطن والدين ** من كـــفــره وفســــاده