الشعب المغربي واللهجة المغربية واحدة من أفضل اللهجات العربية وهناك العديد من النكات المغربية المضحكة والمسلية النكت تعتبر هي المصدر الأول للترفيه عن الذات عند الشعوب نكت مغربية مضحكة ومحترمة
الشعب المغربي واللهجة المغربية واحدة من أفضل اللهجات العربية وهناك العديد من النكات المغربية المضحكة والمسلية النكت تعتبر هي المصدر الأول للترفيه عن الذات عند الشعوب
نكت مغربية مضحكة ومحترمة وقصيرة مجموعة ضخمة من أحدث النكت باللهجة المغربية الفرق بين الحب والزواج
نكت مغربية مضحكة
هادا واحد كيجري مورا التران، يطيح وينوض، يطيح وينوض الناس كاملين اللي راكبين ف التران كيموتوا عليه بالضحك ناض واحد طل عليه من الشرجم وقال ليه: وبركة أصاحبي، راه قتلتينا بالضحك قال ليه هاداك الراجل: إيوا دابا تموتوا بالخلعة راه أنا الشيفور
مبوق وقف مورا واحد مكلخ ف الڭيشي. شوية بدا المبوق كيضحك. سولو المكلخ: علاش كضحك؟ قال ليه المبوق: عرفت الكود ديالك. قال ليه المكلخ: أشنو هو يالاه؟ قال ليه المبوق: نجمة، نجمة، نجمة، نجمة. شبع فيه المكلخ ضحك وقال ليه: غلط، الكود ديالي هو 4011
هادي واحد الدجاجة دصر عليها واحد الثعلب مشات عند راجلها الفروج قالت ليه ان الثعلب دصر عليها ما عجبوش الحال قالها هاني غادي نوريه الشغال . منين كان راجع شافتو مريش قالتيه مالك الراجل فين الريش ديالك قالها انا جبدت عليه الجاكيتة و هو يهرب .
مبوق شاف بلاكة مكتوب عليها: مزرعة أبقار سول مول المزرعة: كيفاش كتزرعوا البقر؟ تفلى عليه السيد وقال ليه: كنرشوا السكر وكيخرج البقر. ناض المبوق الغد ليه رش السكر. رجع من بعد نهار لقى النمل مجموع على السكر. وهو يقول: يا حليلي على البقر ملي كيكون صغير.
واحد سول صاحبو: باش سالات المضاربة ديالك البارح مع مراتك؟ جاوبو: جات عندي راكعة على ركابيها وقالت ليا: خرج من تحت الناموسية أ الخواف
واحد قال لصاحبو: سلفني 500 درهم الله يرحم بيها الواليدين. قال ليه صاحبو: 200 درهم اللي عندي. قال ليه لاخور: ماشي مشكل، عطيها ليا ونبقى نسالك 300 درهم
نكت قصيرة مسلية للأصدقاء
واحد الكلب دايع ف الزنقة داز حدا الكوميسارية و هو يبان ليه واحد شيان بوليس (كلب بوليسي) و هو يقول ف راسو: تفو! كون غير كملت قرايتي
هذا واحد دائما يتدخل فيما لا يعنيه، واحد النهار لقى الناس مجمعين على حادثة سير، وهو يقول ليهم خلوني ندخل أنا أخ الضحية، ملي دخل، لقى حمار ميت.
هادا واحد المكلخ حلم براسو تجمعو عليه رباعة ديال الدراري بغاو يسلخوهالغد ليه، جمع صحابو كاملين وجابهوم ينعسوا معاه ف الدار
واحد مول الطاكسي دخل للدار مع مرتو، وسدات الباب. قال ليها: حليه وعاودي سديه.
واحد الشيباني قال لصاحبو: في أيامات الشباب، كانوا العيالات يجريو يتبعوني قال ليه صاحبو: ودابا؟ قال ليه الشيباني: لا دابا صافي، عفى عليا الله من الشفرة ديال السيكان
واحد التلميد قال للمعلم: واش ممكن شي واحد يتعاقب على شي حاجة ما دارهاش؟ قال ليه المعلم: لا! قال ليه التلميد: إيوا راه ما درتش التمارين.
سولو واحد المحشش : إيلا كان التدخين محرم، أش يكون الحشيش ؟؟ قال ليهوم : احتمال يكون ذو القعدة