فضائيات| مكتبة الدريم بوكس | مركز رفع الصور | فضائيات نيوز
تعليم الفوتوشوب





العودة   الإبداع الفضائي > > >

شعر - خواطر - قصائد - حكم - اقوال - بوستات اذاعة مدرسية، اليوم الوطني، اشعار، تغريدات، تويتات، كلمات، غناوي، شتاوي، قصة اطفال، حكاية , حكم، بوستات، ابيات شعر، قصص، حكايات

كلمات قصيرة عودة المدارس

 
LinkBack أدوات الموضوع
  #1  
الصورة الرمزية New Sat
حبيب أبو زكريا

 

افتراضي كلمات قصيرة عودة المدارس



عبارات عن الدوام , كلمات قصيرة عودة المدارس , شعر عن عودة الدوام والمدارس
كلمات قصيرة عودة المدارس

جــانــا الـدوام وخـبـّث الـبـال طـاريه = وقـلـبي بعـد طـاريه زادت بـه اوهام

مـا تـقـبـلـه نـفـسي ولا عـاد تـبـغـيـه= والنفس ملت من بعـد عـشرة اعـوام
روتـيـن عـلّ الـقـلـب بـانـت مـواريه =والله يـسـتـر مـن صـواديـف الايــام
اصـحي مـع الـنجـمة ونـومي اخـليه = وثـلـث الـبـشر نايم وغارق بالاحلام
واتـفـّـقـد الـتحـضيـر لا اكـون نـاسيه= واخـذ مع الـتحـضير مجـموعة اقلام
واحضر مع الطابور لاجل المشاريه= وابـدا عـنا يـومي تـعال انت يا غلام


وقــف مـع الـطـابـور وامـسك ايـاديه = واخــذ صـغـيـر الـسـن ويصير قـدام
واذا انـتـهى الـطـابـور للفصل اودّيـه = واعـيـد لـه درس ٍ حـفـظـته من العام
وشـلـون مـثـلي مـا يـقـدّر لـماضـيـه = ويـعـفى من الـتحـضير ويلبّس وسام
واشـرح واعـيد الـدرس مرة واثـنّيه = والـوقـت عـيّا يـنـتهي وبعـضهم نـام
والـبعـض الاخـر يـمّ جـاره يـنـاديه = وهــذا يـقــول اسـتـاذ بـروح حـمّـام
مـعـاد بـاقي شيء والـدرس مـوفـيه= وهــذاك يـبـكي ويـدعي بـطـنـه الام
واذا انتهت قـالـوا لك اشراف يا هيه=خـلـك مع الـطـلاب يـا اسـتـاذ حـوام
والــوقت لازم كل حـصـه تـراعـيـه =هــذا عـلـيـك الـيـوم واجـب والـزام
وفي فـسحة الطلاب واجـبـك تـديـه= واحـذر يجـيـنا طالب يـقـول منضام
والا زمـيـله بالـعـلـب قــــام يـرمـيـه = تلقى جـزاته محضر ٍ فـيـك با خـتـام
الـورع امـانـة ديــر بـالـك و تـوذيـه =لا تـجـرح احـسـاسه وخـله ومـا رام
والـوم انـا حـظي ولا اقـدر احـاكـيـه = حــظٍ رمــانــا لـلـبــزاريـن خــــدام
وان جاك مشرف زاد همك وتخـفـيه = مجبور تضحـك له ولـو قـلبك اقـسام
جــاك يـتـصيّـد غـلطةٍ مـنـك تـشـفـيه = يكتب بها التـقـرير ولا هـوب رحــّام
ما يـقـنـعه شـغـلك ويـفـرض مـبـاديـه = وان جـيت تبغى تـناقـشه زاد بـخـصام
يا حـيـف والله كـيـف ودي انا ارضيه = لا صار حـكـمه ظـالـمن مـثـل صـدام
هــــاذي مـعـانـــاة الـمـعـلم ومـا فـيـه= واللي مـجـربـهـا يــبي يــرفـع ابــهـام
والـلـي يــلـوم الـقـلـب ربي يــجــازيه = بـمـقـابـل الــورعـان ويـكـون عــزام
يـصـبـر عـلى مـره ويـجـرع بـلاويـه = حـتى يـعـرف الـحـق ويـصـون الانعام







وحده مدمنة دوام قالت هالابيات :


لو الله إلا مرحبا بالدوامااات
مجمعة شمل الخوات الحبايب
كل يوم فنجال وكاسه وناسات
وتنظم اﻻوقات لطفل وشايب
عسى الليالي كل ابوها دوامات
مانشوف تالي الليل بالبيت غايب







جاها الرد من أم عبدالله ترفه الدرزي:


ياجعل ماهو مرحبا يالدوامات
مفرقة شمل اﻵهل والقرايب
كلن على شانك قطع له مسافات
خايف يسجل داخل الكشف غايب
عقب التجمع والهناء والمسرات
بين الجماعه والأهل والحبايب
جانا الدوام وفرق العالم اشتات
يدعي عليه اليوم ورع(ن) وشايب





وجاها رد ثاني من المعلمه :
فوزيه أبا الوكل


سلام مني لمدمنة الدوامات
رايك ترا يالغاليه غيرصايب
كانك لقيتي بالدوام الوناسات
حنا دفعنا للوظيفه ضرائب
انا من الي عانت من الدوامات
عانيت من بعد الأهل والحبايب
ياما قطعنا للوظيفه مسافات
في بردها وفي حاميات اللهايب
وياما ذرفنا ساعة البعد عبرات
اقسى من الدمعه على خد شايب
وياما كتمنا داخل الجوف آهات
لحظة وداع الي له القلب ذايب
ديره لنا فيها صغار وعورات
وديره لنا فيها عجوزٍ وشايب
حيه وكاني من عداد الوفيات
القلب ينبض لكن العقل غايب

ردت عليها المعلمة عندا مناع الدغمي :

ياليت يصدر للتقاعد قرارات
وش فايدة لاجاك و الراس شايب
الكل يعاني من هموم الدوامات
مير البلا كسب المعيشة غصايب
مع الغلا و زودن عليه دوينات
بس الصبر مع اللقاء بالحبايب
خدمة وطن و رأفة بهالبنيات
اللي عليهن دايم القلب ذايب
هذا هو اللي مصبرن يا الزميلات
و هذا هو اللي مصبرن يا القرايب
و اطلب جزايه من إله السماوات
و الحمد لله في جميع النوايب


كما ردت المعلمة :
عبير طلاق الدغمي

يا كثر ماونيتي و زعجتي ونات
من قبل ما يصير الراس شايب
لك ياأمي بقلبي مكانات
و يحفظك رب الكون لكل الحبايب
ليت سعادتك تشترى بالشهادات
كان شريتها صدق ماهي كذايب
و الحمد لله حزتي أعلى الوسامات
و ربيتي جيلن في وقت الصعايب
منهم أخواني و فوقهم هالبنيات
و علمك طلع من فوق هام السحايب
كأن أبوي عندهم حي ما مات
و صبرن صبرتيه ما تشيله الركايب
أول دوامك فيه عدة مسارات
يوم التعليم يشبه حمر اللهايب
و اليوم مابه كود صيحة و هوشات
و مافيه كود الظلم و الله عجايب
يا يمه تقاعدي خرجتي معلمات
أنا و خواتي نحميك حر اللهايب
و صلاة ربي عدد ما توقع شهادات
على نبي الخلق أعز الحبايب




يا هيه ياللي تكلمن بالدوامات
الحمد لله هو جزيل الوهايب
انا ابحكي عن دوام الممرضات
اروح تالي الليل والنور غايب
اترك جنيني في يدين العاملات
وحنا سمعنا من قصصهن عجايب
واروح وانا حاطه له كمادات
واستودعه رب السكون والهبايب
كله عشان اعطي بعض الخدمات
واداوي الجرحى واهون مصايب
وزودا على هذا تجينا انتقادات
ويقال عنا شي ابد مو بصايب
هذا صحيح ان الدوام به مغثات
متحمله من اجل ست الحبايب
امي بفرحها بعالي الشهادات
وميلا مابي عنها ابد شي غايب
سلام مني لمدمنه الدوامات
وسلام للي ردهن كان صايب




يامرحبا بالمدمنه للدوامات
وعقب الردود المقبله من الحبايب
هذا قصيدي وبه اشرح معانات
من مهنة التمريض شفنا المصايب
شفنا العجايب وبعد شفنا الهوالات
ابدا من اولها والراس شايب
شوفة مريضن يحتضر بالعنايات
ياهي صعيبه من كبار الصعايب
ومن غير ذلك صابره علا الشفتات
وش مهنة التدريس غير الكتايب
وجلسه وتشكيله حلا ومقهويات
هذي الحقيقه ياهلي والحبايب


رد سلطانه محمد الكاسب ام تركي "معلمه"

اشوف زاد الهرج صوب الدوامات
واشوف قال وقيل مدح وسبايب
وانا برد القاف في بعض الابيات
واقول صح لسان كل الحبايب
صحيح في وقت الدوام اجتماعات
وصحيح فيها ضحك وفيها عجايب
وصحيح أغرانا العمل بالريالات
ولاجله صبرنا ليت نلنا كسايب
لكن خسارتنا كبيره بالاوقات
وقت اجتماعات الاهل والقرايب
وحق الصغار اللي بوسط المهادات
‏صارو عيال الخادمات الكلايب
والراتب اليا جا كله سلامات
يروح مايبقى غير الطلايب
نقوم في عز الشتاء للمهمات
مثل الجنود اللي بوسط الكتايب
وبالقيض لاجل الوقت ندفع كرامات
مابين حق وواجبات وضرايب


مقالات ممكن أن تعجبك :



من مواضيعى في فضائيات مشاهدة مباراة ريال مدريد وفياريال اليوم السبت 8-2-2014 على قناة بي أن سبورت Bein Sports 2, HD2
اسعار و موصفات هيونداي سنتافي Hyundai Santa Fe 2015
شرح طريقة التسجيل في مسابقة برنامج البيت
تردد قناة City Cinema على النايل سات 2013 جديد سيتي سينما 2014
حالات واتس اب اخوي , حالات واتس اب الاخ , توبيكات واتس اب خوي , واتس اب عن الاخوة
اخبار السعوديه اليوم 13/6/2012 ، اخر اخبار السعوديه يوم الأربعاء 13 يونيو 2012
2014 Photos Ivory Coast in the World Cup
اعترافات لأشهر متحرش بالأطفال في مدارس عالمية بالسعودية

الكلمات الدلالية

كلمات قصيرة عودة المدارس


أدوات الموضوع



الساعة معتمدة بتوقيت جرينتش +3 . الساعة الآن » 05:10.
Powered by vBulletin
.Copyright ©2000 - 2017, Jelsoft Enterprises Ltd

تابعنا على الفيس بوك جديد مواضيع المنتدى تابعنا على تويتر Google+‎
أضغط اعجبنى ليصلك جديدنا على الفيس بوك